Një person është arrestuar në qytetin e Korçës, pasi gjatë ditës së djeshme ka goditur një punonjës policie.
Gazeta Shqiptare ka mësuar se i ndaluari, ka goditur punonjësin e Rrugores, pasi ky i fundit ka vendosur masë administrative ndaj tij.
Ai do të akuzohet për veprën penale “Goditje për shkak të detyrës”.
Njoftimi i plotë:
Arrestohet një shtetas për veprën penale “Goditje për shkak të detyrës”.
Ditën e djeshme, një shtetas ka goditur një punonjës policie të qarkullimit rrugor, Zh.B. , i cili një javë më parë ka vendosur masë administrative ndaj këtij shtetasi.
Kjo masë ka qenë konform ligjit, ndërsa pronari i mjetit e ka ndaluar dje punonjësin e policisë (jashtë shërbimit), duke e goditur me grusht.
Cështja i ka kaluar prokurorisë për veprime të mëtejshme.